Analisis Unsur Instrinsik dan Ekstrinsik Cerkak "Lik Wiro"

LIK WIRO

Ambar Sulistyani

Embuh mula bukane kepiye, dene kabeh warga dhusun Karangturi nyeluk Lik Wiro marang pawongan sing umure patangpuluh lima taun kuwi. Ora gedhe ora cilik, ora tuwa ora enom kabeh nyeluk Lik Wiro. Dene sing diceluk ya ora kabotan, malah rumangsa seneng.

“Lik Wiro, sesuk rewangana undhuh jagung tegal wetan dhusun, ya?” tembunge Maskun karo lungguh brak ngarep omahe Lik Wiro.

“Iya Mas. Muga-muga bagas waras,” wangsulane Lik Wiro saben-saben dikongkon nyambutgawe.

Esuke, sadurunge srengenge mlethek, Lik Wiro wis wiwit ngundhuhi jagung ing tegale Maskun. Nalika sing duwe tegal teka, rumangsa lega lan seneng, awit Lik Wiro wis entuk patang tomblok. Iya anggone sregep kuwi mau, Lik Wiro tansah dadi paraga kapisan kang bakal dikongkon nyambutgawe.

“Lik Wiro… leren dhisik. Ayo sarapan dhisik!” pambengoke Sarmini, bojone Maskun.

Lik Wiro awih sasmita kanthi nyopot topine, njur diowang-awingke marang Maskun lan Sarmini.

Anggone sarapan katon seger. Sega gudhang lawuh tempe bacem lalap lombok rawit, sarapan khas padesan ing pereng pegunungan Sewu.

Telung dina anggone undhuh jagung nembe rampung. Lik Wiro ora diopahi dhuwit, nanging diwenehi jagung. Bab kuwi ora masalah tumrap Lik Wiro, kabeh kang ditampa minangka rejeki, lan tansah disyukuri kanthi ngucap syukur marang Gusti.

Sawijining dina Lik Wiro dikongkon gawe kurungan pitii dening Maridi. Pira regane bakal dibayar.

“Wah, aku ora duwe pring, Kang.”

“Ya goleka dhisik, usahakna ya, Lik. Mengko kabeh prabeya dakijoli,” tembunge Maridi.

Wusanane Lik Wiro nembung nempil pring duweke Ginto. Sing duwe pring malah sisan ngakon ngethoki pring sing wis tuwa.

“Apa iki wancine apik kanggo ngethoki pring, Lik?” pitakone Ginto.

“Satemene wancine kurang sepuluh dina engkas, Dhe. Nanging yen mengko natane kanthi didegke ya ora apa-apa,” wangsulane Lik Wiro.

“Ya wis, sing wis tuwa kethoken sisan, lan ya gek tatanen sisan, gawekna sendhenan antarane wit weru karo wit sengon kae.”

Lik Wiro sengkut nyambutgawe. Limang dina nembe rampung anggone ngethok pring. Dina teruse banjur nata pring kanthi didegake ing sendhenan kang uga ditandangi dening Lik Wiro.

“Wis rampung, Dhe. Aku taknempil pringe telu wae, pira regane?”

“Ora usah dibayar. Saliyane pring telu kuwi, njenengan nggawa pring lima melih, Lik.”

Saliyane diwenehi pring, Lik Wiro isih nampa dhuwit saka Ginto.

“Wah, hla kok akeh temen?”

“Ora apa-apa…aku ikhlas. Kuwi ana dhuwit sethitik dimen kanggo sangu sekolah anakmu wedok kae.”

“Inggih…inggih…matur nuwun banget ya, Dhe.”

“Inggih, sami-sami, Lik Wiro.”

Sawentara dina sebanjure, kurungan pitik cacah lima pesenane Maridi wis dadi. Sorene diterke menyang omahe Maridi dening Lik Wiro.

“Saiki durung ana dhuwit, Lik. Mbesuk yen wis ana dhuwit takbayar,” tembunge Maridi.

“Iya…wis, kurungane dienggo dhisik wae,” wangsulane Lik Wiro ikhlas.

Kurungane pitik durung dibayar nganti suwe. Kamangka pitik babon sing dikurung wis bola-bali ngarak. Lan arakane wis dadi pitik dhara lan jagoan cilik. Lik Wiro ora nggagas kabeh kuwi. Lan bab kaya mengono kuwi malah dimanfaatake dening Maridi, katone lali apa reka-reka lali…embuh. Kadhangkala wong kaya Lik Wiro kuwi malah dimanfaatake dening wong-wong sing kaya Maridi.

Lik Wiro dhewe ora nggagas bab kuwi. Lik Wiro duwe gegebengan kalamun dheweke among wenang nandur kabecikan. Embuh kepiye kehanane ing mbesuk, wektu iki sing ditindakake tansah linambaran ancas nandur kabecikan.

Umapa Lik Wiro digawe cilaka dening wong liya, babarpisan ora ana niyat bakal males utawa duwe krenteg aweh paukuman.

“Bab males ukum kuwi dudu hakku, kuwi wis ana kang nindakake yakuwi penguasa alam iki. Umapa bisa lolos saka ukum ing donya iki nanging ora bakal bisa lolos saka pradatan agung ing alam kalanggenan.”

Mangkono gegebengane Lik Wiro ing panguripan iki. Lan kuwi uga digondheli dening kulawargane, yakuwi bojone lan anake wadon.

Lik Wiro kuwi uga duwe kaprigelan ing bab seni. Sanadyan ora sekolah musik, nanging prasasat kabeh alat musik bisa dimainake dening Lik Wiro. Kalebu alat musik tradhisi kayadene gamelan, Lik Wiro nguwasani kabeh carane nuthuk lan mainake. Mulane ngepasi sasi becik kanggo duwe gawe, lan akeh sing nanggap wayang utawa karawitan, Lik Wiro uga melu payu. Tenaga lan kaprigelane digunakake dening dhalang-dhalang lan klub karawitan sing entuk tanggapan. Lik Wiro ora mathok opah kudu dibayar sakmene, pira wae bageyane tansah disyukuri.

“Aja dipeksa-peksa hlo, Pak. Yen kesel ya leren dhisik. Melek bengi kuwi kepiyea wae butuh kahanan awak mirunggan. Aja nganti lara. Yen sekirane lungkrah ya aja nampa calang dhisik,” tembunge Mitrasih karo ngeroki bojone kang nembe masuk angin.

“Iya…aku wis ngerti bab kuwi. Nanging kepiye wae sabisa-bisa kudu tansah nyambutgawe kanggo nglumpukake ragad sekolahe anakmu wedok. Aja lali tansa nyisihake dhuwit. Jaman saiki ora bisa yen nabung kuwi ngenteni turah, nabung kuwi kudu nyisihake.”

Anggone nyambut gawe ing bab seni minangka wirapradangga asile ditanjakake kanggo tuku pedhet cilik. Sadurunge kuwi, limang sasi kepungkur, Lik Wiro wis nanduri tegale sing sacuplik mligi kanggo nandur pakan kewan rajakaya, yakuwi suket lan wit gobi. Mula Lik Wiro wis ora mikir bab pakan pedhet sing suwi-suwi dadi sapi mbathuk kuwi.

Bab anggone nandur suket lan wit gobi ing tegale kuwi kalebu aneh tumprap warga kono. Padatan tegal ditanduri pari utawa palawija. Lik Wiro kok malah nandur suket lan wit gobi. Nanging nalika ngancik mangsa ketiga lan angel golek pakan kewan, warga kang maune nganggep aneh dadi ngerti karepe Lik Wiro. Lik Wiro katon ayem war, ora kangelan golek pakan. Bab angele golek pakan kuwi ana crita mirunggan:

“Lik Wiro… Lik Wiro…kowe kudu tanggung jawab! Galo sapiku mendem!” pambengoke Sardu.

Bab sapine Sardu sing mendem lan njaluk tanggung jawab Lik Wiro kuwi wusasane ditangani Pak RT. Lik Wiro katon ayem wae, awit pancen ora rumangsa luput.

“Satemene kepiye jlentrehe, Mas Sardu. Coba dicritakake kanthi sabar,” tembunge Pak RT sareh.

Sardu crita kalamun sapine mendem amarga mangan godhong gobi sing ditandur dening Lik Wiro, mula banjur njaluk Lik Wiro supaya tanggung jawab.

Lik Wiro wangsulan uga kanthi sareh, “Mas Sardu, yen kowe njupuk godhong gobi kuwi apa ora ateges nyolong? Apa sadurunge kowe nembung marang aku?”

Sardu glagepan, sanalika raine abang ireng, ora nggagas nganti tekan sakmono. Pak RT mesem wicaksana, ngenteni apa tembunge Sardu. Wusasane Sardu ngrumangsani luput, lan njaluk pangapuro marang Lik Wiro. Pak RT aweh pituduh supaya enggal ngundang pak mantri kewan, dimen sapine Sardu ketulungan. Sardu takon geneya kok godhong gobi bisa mendemi.

“Sakjane ya ora mendemi, nanging amarga wiwit dipangan uler mula godhong gobi dakkepyuki nganggo banyu peresan gadhung, dimen ora dipangan uler. Iya peresan gadhung kuwi sing njalari mendem. Nanging yen wis limang dina ora mendemi maneh…”

Wektu terus lumaku. Kahanan panguripane Lik Wiro ora owah, tansah sregep nyambutgawe apa wae. Tenagane Lik Wiro tansah digunakake dening sanak-sadulur kang mbutuhake. Saliyane sregep Lik Wiro pancen duwe kaprigelan mirunggang ing bab apa wae. Malah ana sing gawe ukara kalamun Lik Wiro kuwi pantes entuk pangkat ‘raden ngabehi’. Dene maknane ‘kabeh’ pagaweyan bisa ditandangi, mula pantes entuk pangkat ‘ngabehi’.

Ana sing ora percaya lan mencep nalika anake Lik Wiro lulus es-em-a lan nerusake kuliah. Sing ora seneng kuwi satemene ora percaya yen Lik Wiro bakal bisa gragadi anake wedok kuliah. Nanging iya sethithik wong-wong sing tansah aweh semangat lan panjurung marang Lik Wiro.

“Aja cilik ati, Lik Wiro. Menawa gelem mbudidaya mesthi bakal ana asile. Eman-eman, anakmu wedok kae jarene pinter, mulane budidayanen sakuatmu amrih bisa kuliah nganti rampung. Sapa ngerti anakmu wedok malah bisa entuk beasiswa,” Pak RT tansah aweh panjurung.

Nanging uga ora sethithik wong sing maido, awing ngerti kalamun ragad kuliah kuwi ora sethithik, ora yakin menawa Lik  Wiro bisa ngragadi.

“Mesakake bocahe, awit yen ragade mandheg tengah dalan genah bocahe bakal kuciwa, saliyane kuwi padha wae karo ngabul-abul ragad yen nganti muspra,” ana saweneh warga kang ngudarasa mangkono.

Sawetara tahun wis mungkur. Esuk kuwi Lik Wiro katon bergas. Nganggo sandhangan bathik sing durung nate dienggo. Samono uga Mintarsih, dandane katon mirunggan.

“Wah, arep menyang ngendi, Lik? Kok katon beda banget?” pitakone Kandar tanggane Lik Wiro.

“Arep dolan menyang kutha, ngeterake anakku wedok.”

Lik Wiro wektu kuwi pancen bakal ngeterke lan nyekseni anake wedok kang bakal diwisudha minangka sarjana tehnik kimia. Lan wis bakal ditampa nyambut gawe dening perusahaan nasional kang bonafide. Lik Wiro lan bojone katon kebak kabagyan.

Luwih bagya mulya maneh maneh anake wedok kang jeneng Ambar Sulistyani, sing kanthi mongkog ngomong yen Wiro lan Mintarsih kuwi bapak lan simboke, sing banget dtresnani.

*

ANALISIS UNSUR INSTRINSIK DAN EKSTRINSIK CERKAK “LIK WIRO”

 I.         UNSUR INSTRINSIK

1.      Tema

Tema yang terkandung dalam cerkak berjudul Lik Wiro adalah “Kerendahan Hati dan Kebaikan Seseorang”. Hal tersebut terlihat dari awal hingga akhir cerkak ini, dalam cerkak ini diceritakan bahwa Lik Wiro adalah seorang yang bisa melakukan semua pekerjaan tanpa memperdulikan upah yang akan diterimanya, ia akan selalu mensyukuri apapun yang diberikan kepadanya atas pekerjaan yang ia lakukan.

Hal yang mendukung kebenaran tema dalam cerkak ini, dapat terlihat dalam narasi sebagai berikut:

…Lik Wiro ora diopahi dhuwit, nanging diwenehi jagung. Bab kuwi ora masalah tumrap Lik Wiro, kabeh kang ditampa minangka rejeki, lan tansah disyukuri kanthi ngucap syukur marang Gusti.

Dalam penggalan narasi diatas dapat dijadikan bukti bahwa tema dalam cerkak berjudul Lik Wiro adalah kerendahan hati dan kebaikan seseorang.

2.      Penokohan

·         Lik Wiro

Lik Wiro merupakan tokoh utama yang diceritakan dalam cerkak ini. Tokoh ini mempunyai karakter selalu bersyukur dan pekerja keras. Watak selalu bersyukur dapat dibuktikan melalui narasi:

…Lik Wiro ora diopahi dhuwit, nanging diwenehi jagung. Bab kuwi ora masalah tumrap Lik Wiro, kabeh kang ditampa minangka rejeki, lan tansah disyukuri kanthi ngucap syukur marang Gusti.

Dari narasi di atas terlihat dengan jelas bahwa Lik Wiro tidak pernah mempersalahkan upah yang ia terima, baginya semuanya ialah rejeki yang patut disyukuri. Sehingga hal tersebut membuktikan bahwa Lik Wiro memiliki watak selalu bersyukur.

Sedangkan watak pekerja keras dapat dibuktikan melalui:

Esuke, sadurunge srengenge mlethek, Lik Wiro wis wiwit ngundhuhi jagung ing tegale Maskun. Nalika sing duwe tegal teka, rumangsa lega lan seneng, awit Lik Wiro wis entuk patang tomblok. Iya anggone sregep kuwi mau, Lik Wiro tansah dadi paraga kapisan kang bakal dikongkon nyambutgawe.

Narasi di atas menyebutkan bahwa sebelum matahari terbit, Lik Wiro sudah memulai pekerjaannya. Hal tersebut sudah sangat membuktikan bahwa Lik Wiro adalah seorang yang sangat bekerja keras.

·         Maskun dan Sarmini

Maskun adalah tokoh yang memberikan pekerjaan bagi Lik Wiro untuk memetik jagung pada sawahnya..Sarmini adalah istri dari tokoh Maskun. Kedua tokoh ini memiliki karakter baik, hal tersebut dapat dibuktikan melalui:

“Lik Wiro… leren dhisik. Ayo sarapan dhisik!” pambengoke Sarmini, bojone Maskun.

Dialog di atas menunjukkan perhatian kedua tokoh ini kepada pekerjanya, sehingga dengan kata lain kedua tokoh ini memiliki watak baik.

·         Maridi

Maridi adalah tokoh yang meminta Lik Wiro untuk membuat kandang ayam. Tokoh ini merupakan tokoh antagonis yang memiliki karakter suka berbohong dan memanfaatkan kebaikan orang lain. Hal ini dapat dibuktikan melalui:

“Saiki durung ana dhuwit, Lik. Mbesuk yen wis ana dhuwit takbayar,” tembunge Maridi.

“Iya…wis, kurungane dienggo dhisik wae,” wangsulane Lik Wiro ikhlas.

Kurungane pitik durung dibayar nganti suwe. Kamangka pitik babon sing dikurung wis bola-bali ngarak. Lan arakane wis dadi pitik dhara lan jagoan cilik. Lik Wiro ora nggagas kabeh kuwi. Lan bab kaya mengono kuwi malah dimanfaatake dening Maridi, katone lali apa reka-reka lali…embuh. Kadhangkala wong kaya Lik Wiro kuwi malah dimanfaatake dening wong-wong sing kaya Maridi.

Dari dialog dan narasi diatas membuktikan dengan jelas bahwa Maridi berbohong ketika mengatakan ia akan membayar kandang ayam yang ia pesan.

·         Ginto

Ginto merupakan tokoh yang memiliki pohon bambu, tokoh ini memiliki karakter baik hati. Hal tersebut dapat dibuktikan melalui:

“Wis rampung, Dhe. Aku taknempil pringe telu wae, pira regane?”

“Ora usah dibayar. Saliyane pring telu kuwi, njenengan nggawa pring lima melih, Lik.”

Saliyane diwenehi pring, Lik Wiro isih nampa dhuwit saka Ginto.

“Wah, hla kok akeh temen?”

“Ora apa-apa…aku ikhlas. Kuwi ana dhuwit sethitik dimen kanggo sangu sekolah anakmu wedok kae.”

Dari dialog antartokoh tersebut membuktikan dengan sangat jelas karakter dari tokoh Ginto, yakni baik hati.

·         Mintarsih

Mintarsih adalah istri dari Lik Wiro, tokoh ini memiliki karakter yakni perhatian. Hal tersebut dapat dibuktikan melalui:

“Aja dipeksa-peksa hlo, Pak. Yen kesel ya leren dhisik. Melek bengi kuwi kepiyea wae butuh kahanan awak mirunggan. Aja nganti lara. Yen sekirane lungkrah ya aja nampa calang dhisik,” tembunge Mitrasih karo ngeroki bojone kang nembe masuk angin.

Dari dialog Mintarsih tersebut terlihat dengan sangat jelas bahwa tokoh tersebut memiliki watak perhatian.

·         Sardu

Sardu merupakan salah satu tokoh antagonis sama seperti Maridi. Tokoh ini mempunyai karakter suka mencuri dan egois. Hal ini dibuktikan melalui:

Sardu crita kalamun sapine mendem amarga mangan godhong gobi sing ditandur dening Lik Wiro, mula banjur njaluk Lik Wiro supaya tanggung jawab.

Lik Wiro wangsulan uga kanthi sareh, “Mas Sardu, yen kowe njupuk godhong gobi kuwi apa ora ateges nyolong? Apa sadurunge kowe nembung marang aku?”

Melalui dialog dan narasi di atas dapat membuktikan kepicikan dari tokoh Sardu tersebut, yakni mencuri daun gobi milik Lik Wiro dan egois ketika ia meminta pertanggung jawaban Lik Wiro ketika sapinya sakit.

·         Pak RT

Pak RT merupakan tokoh penengah dalam cerkak ini. Tokoh ini memiliki watak baik hati, hal ini dapat dibuktikan melalui:

“Aja cilik ati, Lik Wiro. Menawa gelem mbudidaya mesthi bakal ana asile. Eman-eman, anakmu wedok kae jarene pinter, mulane budidayanen sakuatmu amrih bisa kuliah nganti rampung. Sapa ngerti anakmu wedok malah bisa entuk beasiswa,” Pak RT tansah aweh panjurung.

Dari dialog diatas mengenai ucapan Pak RT untuk tidak memasukkan ke hati ucapan orang-orang yang menjelekkan Lik Wiro, hal tersebut membuktikan kebaikan hati tokoh ini.

·         Ambar Sulistyani

Ambar Sulistyani adalah anak dari Lik Wiro dan Mintarsih. Tokoh ini tidak muncul secara langsung, ia hanya tokoh yang diceritakan secara sekilas dalam narasi. Tokoh ini mempunyai karakter pintar.

3.      Latar

·         Latar Sosial

Latar sosial dalam cerkak ini terlihat pada pertemuan atau percakapan antar tokoh dengan Lik Wiro, dimana semuanya berkutat pada sebuah pekerjaan yang dikerjakan Lik Wiro. Sehingga, dapat disimpulkan bahwa latar sosial dalam cerkak ini adalah bekerja.

·         Latar Fisik

o   Latar fisik dimensi waktu

·         Sebelum matahari terbit

…sadurunge srengenge mlethek, Lik Wiro wis wiwit…

·         Keesokan harinya

…Dina teruse banjur nata…

·         Tiga hari selanjutnya

…Telung dina anggone undhuh jagung…

·         Lima hari selanjutnya

…Limang dina nembe rampung…

·         Sore hari

…Sorene diterke menyang omahe Maridi…

o   Latar fisik dimensi ruang

·         Ruang tamu Lik Wiro

…tembunge Maskun karo lungguh brak ngarep omahe Lik Wiro.

·         Sawah Maskun

…Lik Wiro wis wiwit ngundhuhi jagung ing tegale Maskun…

·         Rumah Ginto

Wusasane Lik Wiro nembung nempil pring duweke Ginto.

·         Rumah Maridi

…diterke menyang omahe Maridi dening Lik Wiro.

4.      Sudut pandang

Sudut pandang yang digunakan dalam cerkak ini yaitu sudut pandang orang ketiga maha tahu, karena dalam cerkak ini Lik Wiro merupakan tokoh utama yang diceritakan menggunakan kata ganti orang ketiga yakni langsung menyebutkan nama Lik Wiro. Hal lain yang mendukung adalah tidak ditemukannya narasi “aku-an” yang terdapat dalam cerkak.

5.      Alur

Jenis alur yang digunakan dalam cerkak ini yaitu jenis alur Sjuzet, karena susunan peristiwa tidak disusun secara kronologis.

·         Sekuen

1.Rumah Lik Wiro

1.1 Maskun meminta tolong Lik Wiro untuk memetik jagung.

2. Sawah Maskun

2.1 Lik Wira memetik jagung.

2.2 Lik Wiro, Maskun, dan Sarmini sarapan bersama.

3.Rumah Lik Wiro

3.1 Maridi meminta Lik Wiro untuk dibuatkan kandang ayam.

4.Rumah Ginto

4.1 Lik Wiro meminta bambu.

4.2 Ginto meminta tolong Lik Wiro memotong bambu yang sudah tua dan menatanya.

4.3 Lik Wira memotong bambu dan menata bambu.

4.4 Lik Wira meminta tiga bambu.

4.5 Ginto memberikan tiga bambu dan lima bambu untuk Lik Wira, serta memberikan uang.

5.Rumah Maridi

5.1 Lik Wiro mengantarkan kandang ayam pesanan Maridi.

6.Rumah Lik Wiro

6.1 Mintarsih memijat Lik Wiro yang masuk angin.

6.2 Sardu meminta pertanggung jawaban Lik Wiro.

6.3 Pak RT meminta penjelasan dari Sardu.

7.Depan rumah Lik Wiro

7.1 Lik Wiro dan Mintarsih bersiap-siap ke kota.

UNSUR EKSTRINSIK

1.      Nilai-nilai yang terkandung

·         Nilai Kemanusiaan, dimana dalam cerkak ini berisikan mengenai saling membantu antarmasyarakat.

·         Nilai Moral, dimana dalam cerkak ini memberikan contoh yang baik untuk kehidupan.

·         Nilai Agama, dimana dalam cerkak ini diceritakan bahwa tokoh utamanya selalu bersyukur atas apa yang ia dapatkan.

2.      Latar belakang masyarakat

Latar belakang masyarakat dalam cerkak ini yaitu masyarakat pedesaan, dimana masyarakat pedesaan masih sangat erat silaturrahminya. Pekerjaan-pekerjaan yang dilakuka oleh para tokoh juga memperjelas latar belakang masyarakat yang terdapat dalam cerkak ini, misal berkebun dan beternak yang membuktikan bahwa latar belakang masyarakatnya berada di luar metropolitan.

3.      Latar belakang pengarang

Pengarang cerkak ini bernama Ambar Sulistyani. Cerkak yang dibuat oleh pengarang ini dimuat pada kolom cerkak dalam majalah Jaya Baya No.46, Edisi Minggu Ketiga Juli 2015.

PUSTAKA

Sulistyani, Ambar. 2015. “Lik Wiro”. Dalam Jaya Baya, 46 (Juli, III). Surabaya.